Theravāda Vinaya Mahāvibhaṅga
id: pli-tv-bu-vb-sk3 VRI: vol 88 สยามรัฐ: vol 2 19 segments
Theravāda Vinaya Mahāvibhaṅga Sekhiyakaṇḍa Parimaṇḍalavagga 3. Suppaṭicchannasikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū kāyaṁ vivaritvā antaraghare gacchanti …pe…. “Suppaṭicchanno antaraghare gamissāmīti sikkhā karaṇīyā”ti. sya:2.533 Suppaṭicchannena antaraghare gantabbaṁ. Yo anādariyaṁ paṭicca kāyaṁ vivaritvā antaraghare gacchati, āpatti dukkaṭassa. Anāpatti— vri:88.245 asañcicca, assatiyā, ajānantassa, gilānassa, āpadāsu, ummattakassa, ādikammikassāti. Tatiyasikkhāpadaṁ niṭṭhitaṁ.