Theravāda Vinaya Mahāvibhaṅga

id: pli-tv-bu-vb-sk45 VRI: vol 88 22 segments

Theravāda Vinaya Mahāvibhaṅga Sekhiyakaṇḍa Kabaḷavagga 45. Kabaḷāvacchedakasikkhāpada

Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū kabaḷāvacchedakaṁ bhuñjanti …pe…. “Na kabaḷāvacchedakaṁ bhuñjissāmīti sikkhā karaṇīyā”ti. Na kabaḷāvacchedakaṁ bhuñjitabbaṁ. vri:88.265 Yo anādariyaṁ paṭicca kabaḷāvacchedakaṁ bhuñjati, āpatti dukkaṭassa. Anāpatti— asañcicca, assatiyā, ajānantassa, gilānassa, khajjake, phalāphale, uttaribhaṅge, āpadāsu, ummattakassa, ādikammikassāti. Pañcamasikkhāpadaṁ niṭṭhitaṁ.