Theravāda Vinaya Mahāvibhaṅga
id: pli-tv-bu-vb-sk47 VRI: vol 88 20 segments
Theravāda Vinaya Mahāvibhaṅga Sekhiyakaṇḍa Kabaḷavagga 47. Hatthaniddhunakasikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū hatthaniddhunakaṁ bhuñjanti …pe…. “Na hatthaniddhunakaṁ bhuñjissāmīti sikkhā karaṇīyā”ti. Na hatthaniddhunakaṁ bhuñjitabbaṁ. Yo anādariyaṁ paṭicca hatthaniddhunakaṁ bhuñjati, āpatti dukkaṭassa. Anāpatti— vri:88.266 asañcicca, assatiyā, ajānantassa, gilānassa, kacavaraṁ chaḍḍento hatthaṁ niddhunāti, āpadāsu, ummattakassa, ādikammikassāti. Sattamasikkhāpadaṁ niṭṭhitaṁ.