Theravāda Vinaya Mahāvibhaṅga
id: pli-tv-bu-vb-sk60 17 segments
Theravāda Vinaya Mahāvibhaṅga Sekhiyakaṇḍa Surusuruvagga 60. Āvudhapāṇisikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū āvudhapāṇissa dhammaṁ desenti …pe…. “Na āvudhapāṇissa agilānassa dhammaṁ desessāmīti sikkhā karaṇīyā”ti. Āvudhaṁ nāma cāpo kodaṇḍo. Na āvudhapāṇissa agilānassa dhammo desetabbo. Yo anādariyaṁ paṭicca āvudhapāṇissa agilānassa dhammaṁ deseti, āpatti dukkaṭassa. Anāpatti— asañcicca …pe… ādikammikassāti. Dasamasikkhāpadaṁ niṭṭhitaṁ. Surusuruvaggo chaṭṭho.