Theravāda Vinaya Mahāvibhaṅga
id: pli-tv-bu-vb-sk68 VRI: vol 88 สยามรัฐ: vol 2 14 segments
Theravāda Vinaya Mahāvibhaṅga Sekhiyakaṇḍa Pādukavagga 68. Chamāsikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme. vri:88.277 · sya:2.564 Tena kho pana samayena chabbaggiyā bhikkhū chamāyaṁ nisīditvā āsane nisinnassa dhammaṁ desenti …pe…. “Na chamāyaṁ nisīditvā āsane nisinnassa agilānassa dhammaṁ desessāmīti sikkhā karaṇīyā”ti. Na chamāyaṁ nisīditvā āsane nisinnassa agilānassa dhammo desetabbo. Yo anādariyaṁ paṭicca chamāyaṁ nisīditvā āsane nisinnassa agilānassa dhammaṁ deseti, āpatti dukkaṭassa. Anāpatti— asañcicca …pe… ādikammikassāti. Aṭṭhamasikkhāpadaṁ niṭṭhitaṁ.