Petavatthu Uragavagga
id: pv1 VRI: vol 56 สยามรัฐ: vol 26 17 segments
Petavatthu Uragavagga 1. Khettūpamapetavatthu
Namo tassa Bhagavato Arahato Sammāsambuddhassa.
“Khettūpamā arahanto, vri:56.91 · sya:26.157 dāyakā kassakūpamā; Bījūpamaṁ deyyadhammaṁ, etto nibbattate phalaṁ.
Etaṁ bījaṁ kasi khettaṁ, petānaṁ dāyakassa ca; Taṁ petā paribhuñjanti, dātā puññena vaḍḍhati.
Idheva kusalaṁ katvā, vri:56.92 Pete ca paṭipūjiya; Saggañca kamatiṭṭhānaṁ, Kammaṁ katvāna bhaddakan”ti.
Khettūpamapetavatthu paṭhamaṁ.