← _

Saṁyutta Nikāya 35.183–185 17. Saṭṭhipeyyālavagga

id: sn35.183-185 สยามรัฐ: vol 18 12 segments
Saṁyutta Nikāya 35.183–185 17. Saṭṭhipeyyālavagga Bāhirānattachandādisutta
“Yo, bhikkhave, anattā, tatra vo chando pahātabbo, rāgo pahātabbo, chandarāgo pahātabbo. Ko ca, bhikkhave, anattā? Rūpā, bhikkhave, anattā; tatra vo chando pahātabbo, rāgo pahātabbo, chandarāgo pahātabbo. Saddā … gandhā … rasā … phoṭṭhabbā … dhammā anattā; tatra vo chando pahātabbo, rāgo pahātabbo, chandarāgo pahātabbo. Yo, bhikkhave, anattā tatra vo chando pahātabbo, rāgo pahātabbo, chandarāgo pahātabbo”ti.