Therāpadāna Sudhāvagga
id: tha-ap102 VRI: vol 57 สยามรัฐ: vol 32 43 segments
Therāpadāna Sudhāvagga Buddhupaṭṭhākattheraapadāna
“Vipassissa bhagavato, ahosiṁ saṅkhadhammako; Niccupaṭṭhānayuttomhi, sugatassa mahesino.
Upaṭṭhānaphalaṁ passa, sya:32.199 lokanāthassa tādino; Saṭṭhitūriyasahassāni, parivārenti maṁ sadā.
Ekanavutito kappe, upaṭṭhahiṁ mahāisiṁ; Duggatiṁ nābhijānāmi, upaṭṭhānassidaṁ phalaṁ.
Catuvīse ito kappe, mahānigghosanāmakā; Soḷasāsiṁsu rājāno, cakkavattī mahabbalā.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā buddhupaṭṭhāko thero imā gāthāyo abhāsitthāti.
Buddhupaṭṭhākattherassāpadānaṁ dasamaṁ. Sudhāvaggo dasamo.
Tassuddānaṁ
Sudhā sucinti ceḷañca, vri:57.139 sūcī ca gandhamāliyo; Tipupphiyo madhusenā, veyyāvacco cupaṭṭhako; Samasaṭṭhi ca gāthāyo, asmiṁ vagge pakittitā.
Atha vagguddānaṁ
Buddhavaggo hi paṭhamo, sīhāsani subhūti ca; Kuṇḍadhāno upāli ca, bījanisakacinti ca.
Nāgasamālo timiro, sya:32.200 sudhāvaggena te dasa; Catuddasasatā gāthā, pañcapaññāsameva ca.
Buddhavaggadasakaṁ.
Paṭhamasatakaṁ samattaṁ.