Therāpadāna Mahāparivāravagga
id: tha-ap114 VRI: vol 57 สยามรัฐ: vol 32 40 segments
Therāpadāna Mahāparivāravagga Sumaṅgalattheraapadāna
“Atthadassī jinavaro, vri:57.148 lokajeṭṭho narāsabho; Vihārā abhinikkhamma, taḷākaṁ upasaṅkami.
Nhatvā pitvā ca sambuddho, uttaritvekacīvaro; Aṭṭhāsi bhagavā tattha, vilokento disodisaṁ.
Bhavane upaviṭṭhohaṁ, addasaṁ lokanāyakaṁ; Haṭṭho haṭṭhena cittena, apphoṭesiṁ ahaṁ tadā.
Sataraṁsiṁva jotantaṁ, pabhāsantaṁva kañcanaṁ; Naccagīte payuttohaṁ, pañcaṅgatūriyamhi ca.
Yaṁ yaṁ yonupapajjāmi, devattaṁ atha mānusaṁ; Sabbe satte abhibhomi, vipulo hoti me yaso.
Namo te purisājañña, namo te purisuttama; Attānaṁ tosayitvāna, pare tosesi tvaṁ muni.
Pariggahe nisīditvā, sya:32.212 hāsaṁ katvāna subbate; Upaṭṭhahitvā sambuddhaṁ, tusitaṁ upapajjahaṁ.
Soḷaseto kappasate, dvinavaekacintitā; Sattaratanasampannā, cakkavattī mahabbalā.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā sumaṅgalo thero imā gāthāyo abhāsitthāti.
Sumaṅgalattherassāpadānaṁ dutiyaṁ.