Therāpadāna Chattavagga
id: tha-ap147 24 segments
Therāpadāna Chattavagga 5 Umāpupphiyattheraapadāna
“Nibbute lokamahite, āhutīnaṁ paṭiggahe; Siddhatthamhi bhagavati, mahāthūpamaho ahu.
Mahe pavattamānamhi, siddhatthassa mahesino; Umāpupphaṁ gahetvāna, thūpamhi abhiropayiṁ.
Catunnavutito kappe, yaṁ pupphamabhiropayiṁ; Duggatiṁ nābhijānāmi, thūpapūjāyidaṁ phalaṁ.
Ito ca navame kappe, somadevasanāmakā; Pañcāsītisu rājāno, cakkavattī mahabbalā.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā umāpupphiyo thero imā gāthāyo abhāsitthāti.
Umāpupphiyattherassāpadānaṁ pañcamaṁ.