Therāpadāna Supāricariyavagga

id: tha-ap164 VRI: vol 57 สยามรัฐ: vol 32 28 segments

Therāpadāna Supāricariyavagga Kaṇaverapupphiyattheraapadāna

“Siddhattho nāma bhagavā, sya:32.266 lokajeṭṭho narāsabho; Purakkhato sāvakehi, nagaraṁ paṭipajjatha.

Rañño antepure āsiṁ, gopako abhisammato; Pāsāde upaviṭṭhohaṁ, addasaṁ lokanāyakaṁ.

Kaṇaveraṁ gahetvāna, vri:57.186 bhikkhusaṅghe samokiriṁ; Buddhassa visuṁ katvāna, tato bhiyyo samokiriṁ.

Catunnavutito kappe, Yaṁ pupphamabhipūjayiṁ; Duggatiṁ nābhijānāmi, Buddhapūjāyidaṁ phalaṁ.

Sattāsītimhito kappe, caturāsuṁ mahiddhikā; Sattaratanasampannā, cakkavattī mahabbalā.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā kaṇaverapupphiyo thero imā gāthāyo abhāsitthāti.

Kaṇaverapupphiyattherassāpadānaṁ dutiyaṁ.