Therāpadāna Supāricariyavagga
id: tha-ap168 VRI: vol 57 24 segments
Therāpadāna Supāricariyavagga Sappidāyakattheraapadāna
“Phusso nāmāsi bhagavā, āhutīnaṁ paṭiggaho; Gacchate vīthiyaṁ vīro, nibbāpento mahājanaṁ.
Anupubbena bhagavā, vri:57.188 āgacchi mama santikaṁ; Tato taṁ pattaṁ paggayha, sappitelamadāsahaṁ.
Dvenavute ito kappe, yaṁ sappimadadiṁ tadā; Duggatiṁ nābhijānāmi, sappidānassidaṁ phalaṁ.
Chappaññāse ito kappe, eko āsi samodako; Sattaratanasampanno, cakkavattī mahabbalo.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā sappidāyako thero imā gāthāyo abhāsitthāti.
Sappidāyakattherassāpadānaṁ chaṭṭhaṁ.