Therāpadāna Kuṭajapupphiyavagga

id: tha-ap184 VRI: vol 57 สยามรัฐ: vol 32 28 segments

Therāpadāna Kuṭajapupphiyavagga Bandhujīvakattheraapadāna

“Siddhattho nāma sambuddho, sayambhū sabbhi vaṇṇito; Samādhiṁ so samāpanno, nisīdi pabbatantare.

Jātassare gavesanto, sya:32.283 dakajaṁ pupphamuttamaṁ; Bandhujīvakapupphāni, addasaṁ samanantaraṁ.

Ubho hatthehi paggayha, upāgacchiṁ mahāmuniṁ; Pasannacitto sumano, siddhatthassābhiropayiṁ.

Catunnavutito kappe, vri:57.198 yaṁ pupphamabhiropayiṁ; Duggatiṁ nābhijānāmi, buddhapūjāyidaṁ phalaṁ.

Ito cātuddase kappe, eko āsiṁ janādhipo; Samuddakappo nāmena, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā bandhujīvako thero imā gāthāyo abhāsitthāti.

Bandhujīvakattherassāpadānaṁ dutiyaṁ.