← _

Therāpadāna Tamālapupphiyavagga

id: tha-ap200 สยามรัฐ: vol 32 24 segments
Therāpadāna Tamālapupphiyavagga 8 Muṭṭhipūjakattheraapadāna
“Sumedho nāma bhagavā, lokajeṭṭho narāsabho; Pacchime anukampāya, padhānaṁ padahī jino.
Tassa caṅkamamānassa, dvipadindassa tādino; Girinelassa pupphānaṁ, muṭṭhiṁ buddhassa ropayiṁ.
Tena cittappasādena, sukkamūlena codito; Tiṁsakappasahassāni, duggatiṁ nupapajjahaṁ.
Tevīsatikappasate, sunelo nāma khattiyo; Sattaratanasampanno, eko āsiṁ mahabbalo.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā muṭṭhipūjako thero imā gāthāyo abhāsitthāti.
Muṭṭhipūjakattherassāpadānaṁ aṭṭhamaṁ.