← _

Therāpadāna Kaṇikārapupphiyavagga

id: tha-ap204 VRI: vol 57 สยามรัฐ: vol 32 24 segments
Therāpadāna Kaṇikārapupphiyavagga Minelapupphiyattheraapadāna
“Suvaṇṇavaṇṇo bhagavā, sataraṁsī patāpavā; Caṅkamanaṁ samārūḷho, mettacitto sikhīsabho.
Pasannacitto sumano, vanditvā ñāṇamuttamaṁ; Minelapupphaṁ paggayha, buddhassa abhiropayiṁ.
Ekattiṁse ito kappe, yaṁ pupphamabhipūjayiṁ; Duggatiṁ nābhijānāmi, buddhapūjāyidaṁ phalaṁ.
Ekūnatiṁsakappamhi, sumeghaghananāmako; Sattaratanasampanno, cakkavattī mahabbalo.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā minelapupphiyo thero imā gāthāyo abhāsitthāti.
Minelapupphiyattherassāpadānaṁ dutiyaṁ.