Therāpadāna Tuvaradāyakavagga
id: tha-ap243 VRI: vol 57 สยามรัฐ: vol 32 17 segments
Therāpadāna Tuvaradāyakavagga 1 Tuvaradāyakattheraapadāna
“Migaluddo pure āsiṁ, vri:57.234 · sya:32.334 araññe kānane ahaṁ; Bharitvā tuvaramādāya, saṅghassa adadiṁ ahaṁ.
Ekanavutito kappe, yaṁ dānamadadiṁ tadā; Duggatiṁ nābhijānāmi, tuvarassa idaṁ phalaṁ.
Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.
Itthaṁ sudaṁ āyasmā tuvaradāyako thero imā gāthāyo abhāsitthāti.
Tuvaradāyakattherassāpadānaṁ paṭhamaṁ.