Therāpadāna Suvaṇṇabibbohanavagga
id: tha-ap279 VRI: vol 57 20 segments
Therāpadāna Suvaṇṇabibbohanavagga Citakapūjakattheraapadāna
“Candabhāgānadītīre, anusotaṁ vajāmahaṁ; Satta māluvapupphāni, citamāropayiṁ ahaṁ.
Catunnavutito kappe, vri:57.252 citakaṁ yamapūjayiṁ; Duggatiṁ nābhijānāmi, citapūjāyidaṁ phalaṁ.
Sattasaṭṭhimhito kappe, paṭijaggasanāmakā; Sattaratanasampannā, sattāsuṁ cakkavattino.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā citakapūjako thero imā gāthāyo abhāsitthāti.
Citakapūjakattherassāpadānaṁ sattamaṁ.