Therāpadāna Paṇṇadāyakavagga

id: tha-ap284 VRI: vol 57 สยามรัฐ: vol 32 28 segments

Therāpadāna Paṇṇadāyakavagga Phaladāyakattheraapadāna

“Sinerusamasantoso, sya:32.364 dharaṇīsamasādiso; Vuṭṭhahitvā samādhimhā, bhikkhāya mamupaṭṭhito.

Harītakaṁ āmalakaṁ, ambajambuvibhītakaṁ; Kolaṁ bhallātakaṁ billaṁ, phārusakaphalāni ca.

Siddhatthassa mahesissa, sabbalokānukampino; Tañca sabbaṁ mayā dinnaṁ, vippasannena cetasā.

Catunnavutito kappe, yaṁ phalaṁ adadiṁ tadā; Duggatiṁ nābhijānāmi, phaladānassidaṁ phalaṁ.

Sattapaññāsito kappe, vri:57.255 ekajjho nāma khattiyo; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā phaladāyako thero imā gāthāyo abhāsitthāti.

Phaladāyakattherassāpadānaṁ dutiyaṁ.