← _

Therāpadāna Subhūtivagga

id: tha-ap29 VRI: vol 57 สยามรัฐ: vol 32 21 segments
Therāpadāna Subhūtivagga 7 Pulinapūjakattheraapadāna
“Vipassissa bhagavato, bodhiyā pādaputtame; Purāṇapulinaṁ hitvā, suddhapulinamākiriṁ.
Ekanavutito kappe, yaṁ pulinamadāsahaṁ; Duggatiṁ nābhijānāmi, pulinadānassidaṁ phalaṁ.
Tiṁsatime ito kappe, rājā āsiṁ janādhibhū; Mahāpulinanāmena, cakkavattī mahabbalo.
Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.
Itthaṁ sudaṁ āyasmā pulinapūjako thero imā gāthāyo abhāsitthāti.
Pulinapūjakattherassāpadānaṁ sattamaṁ.