Therāpadāna Citakapūjakavagga
id: tha-ap293 VRI: vol 57 25 segments
Therāpadāna Citakapūjakavagga Citakapūjakattheraapadāna
“Ajito nāma nāmena, vri:57.260 ahosiṁ brāhmaṇo tadā; Āhutiṁ yiṭṭhukāmohaṁ, nānāpupphaṁ samānayiṁ.
Jalantaṁ citakaṁ disvā, sikhino lokabandhuno; Tañca pupphaṁ samānetvā, citake okiriṁ ahaṁ.
Ekattiṁse ito kappe, yaṁ pupphamabhipūjayiṁ; Duggatiṁ nābhijānāmi, buddhapūjāyidaṁ phalaṁ.
Sattavīse ito kappe, sattāsuṁ manujādhipā; Supajjalitanāmā te, cakkavattī mahabbalā.
Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.
Itthaṁ sudaṁ āyasmā citakapūjako thero imā gāthāyo abhāsitthāti.
Citakapūjakattherassāpadānaṁ paṭhamaṁ.