← _

Therāpadāna Mandāravapupphiyavagga

id: tha-ap366 สยามรัฐ: vol 32 20 segments
Therāpadāna Mandāravapupphiyavagga Kesarapupphiyattheraapadāna
“Vijjādharo tadā āsiṁ, himavantamhi pabbate; Addasaṁ virajaṁ buddhaṁ, caṅkamantaṁ mahāyasaṁ.
Tīṇi kesarapupphāni, sīse katvānahaṁ tadā; Upasaṅkamma sambuddhaṁ, vessabhuṁ abhipūjayiṁ.
Ekattiṁse ito kappe, yaṁ kammamakariṁ tadā; Duggatiṁ nābhijānāmi, buddhapūjāyidaṁ phalaṁ.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā kesarapupphiyo thero imā gāthāyo abhāsitthāti.
Kesarapupphiyattherassāpadānaṁ catutthaṁ.