Therāpadāna Avaṭaphalavagga

id: tha-ap384 VRI: vol 57 สยามรัฐ: vol 32 34 segments

Therāpadāna Avaṭaphalavagga Labujadāyakattheraapadāna

“Nagare bandhumatiyā, āsiṁ ārāmiko tadā; Addasaṁ virajaṁ buddhaṁ, gacchantaṁ anilañjase.

Labujassa phalaṁ gayha, buddhaseṭṭhassadāsahaṁ; Ākāse ṭhitako santo, paṭigaṇhi mahāyaso.

Vittisañjananaṁ mayhaṁ, vri:57.324 diṭṭhadhammasukhāvahaṁ; Phalaṁ buddhassa datvāna, vippasannena cetasā.

Adhigacchiṁ tadā pītiṁ, vipulañca sukhuttamaṁ; Uppajjateva ratanaṁ, nibbattassa tahiṁ tahiṁ.

Ekanavutito kappe, yaṁ phalamadadiṁ tadā; Duggatiṁ nābhijānāmi, phaladānassidaṁ phalaṁ.

Kilesā jhāpitā mayhaṁ, …pe… viharāmi anāsavo.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, sya:32.464 …pe… kataṁ buddhassa sāsanaṁ”.

Itthaṁ sudaṁ āyasmā labujadāyako thero imā gāthāyo abhāsitthāti.

Labujadāyakattherassāpadānaṁ dutiyaṁ.