Therāpadāna Ekavihārivagga
id: tha-ap436 VRI: vol 58 สยามรัฐ: vol 33 38 segments
Therāpadāna Ekavihārivagga Ñāṇatthavikattheraapadāna
“Kaṇikāraṁva jalitaṁ, vri:58.19 dīparukkhaṁva jotitaṁ; Kañcanaṁva virocantaṁ, addasaṁ dvipaduttamaṁ.
Kamaṇḍaluṁ ṭhapetvāna, vākacīrañca kuṇḍikaṁ; Ekaṁsaṁ ajinaṁ katvā, buddhaseṭṭhaṁ thaviṁ ahaṁ.
‘Tamandhakāraṁ vidhamaṁ, mohajālasamākulaṁ; Ñāṇālokaṁ dassetvāna, nittiṇṇosi mahāmuni.
Samuddharasimaṁ lokaṁ, sabbāvantamanuttaraṁ; Ñāṇe te upamā natthi, yāvatājagatogati.
Tena ñāṇena sabbaññū, iti buddho pavuccati; Vandāmi taṁ mahāvīraṁ, sabbaññutamanāvaraṁ’.
Satasahassito kappe, buddhaseṭṭhaṁ thaviṁ ahaṁ; Duggatiṁ nābhijānāmi, ñāṇatthavāyidaṁ phalaṁ.
Kilesā jhāpitā mayhaṁ, …pe… viharāmi anāsavo.
Svāgataṁ vata me āsi, …pe… kataṁ buddhassa sāsanaṁ.
Paṭisambhidā catasso, sya:33.49 …pe… kataṁ buddhassa sāsanaṁ”.
Itthaṁ sudaṁ āyasmā ñāṇatthaviko thero imā gāthāyo abhāsitthāti.
Ñāṇatthavikattherassāpadānaṁ catutthaṁ.