Therāpadāna Upālivagga
id: tha-ap48 VRI: vol 57 สยามรัฐ: vol 32 24 segments
Therāpadāna Upālivagga Padumacchadaniyattheraapadāna
“Nibbute lokanāthamhi, vipassimhaggapuggale; Suphullapadumaṁ gayha, citamāropayiṁ ahaṁ.
Āropite ca citake, sya:32.141 vehāsaṁ nabhamuggami; Ākāse chadanaṁ katvā, citakamhi adhārayi.
Ekanavutito kappe, yaṁ pupphamabhiropayiṁ; Duggatiṁ nābhijānāmi, buddhapūjāyidaṁ phalaṁ.
Sattatālīsito kappe, vri:57.97 padumissaranāmako; Cāturanto vijitāvī, cakkavattī mahabbalo.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā padumacchadaniyo thero imā gāthāyo abhāsitthāti.
Padumacchadaniyattherassāpadānaṁ chaṭṭhaṁ.