Therāpadāna Yasavagga
id: tha-ap557 VRI: vol 58 26 segments
Therāpadāna Yasavagga Vajjīputtattheraapadāna
“Sahassaraṁsī bhagavā, sayambhū aparājito; Vivekā vuṭṭhahitvāna, gocarāyābhinikkhami.
Phalahattho ahaṁ disvā, vri:58.168 upagacchiṁ narāsabhaṁ; Pasannacitto sumano, savaṇṭaṁ adadiṁ phalaṁ.
Catunnavutito kappe, yaṁ phalaṁ adadiṁ tadā; Duggatiṁ nābhijānāmi, phaladānassidaṁ phalaṁ.
Kilesā jhāpitā mayhaṁ, …pe… viharāmi anāsavo.
Svāgataṁ vata me āsi, …pe… kataṁ buddhassa sāsanaṁ.
Paṭisambhidā catasso, …pe… kataṁ buddhassa sāsanaṁ”.
Itthaṁ sudaṁ āyasmā vajjīputto thero imā gāthāyo abhāsitthāti.
Vajjīputtattherassāpadānaṁ pañcamaṁ.