Vimānavatthu Itthivimāna
id: vv25 VRI: vol 56 สยามรัฐ: vol 26 42 segments
Vimānavatthu Itthivimāna Cittalatāvagga 8. Niddāvimānavatthu
“Abhikkantena vaṇṇena, yā tvaṁ tiṭṭhasi devate; Obhāsentī disā sabbā, osadhī viya tārakā.
Kena tetādiso vaṇṇo, …pe… Vaṇṇo ca te sabbadisā pabhāsatī”ti.
Sā devatā attamanā, …pe… yassa kammassidaṁ phalaṁ.
“Niddāti mamaṁ aññaṁsu, Rājagahasmiṁ upāsikā; Saddhā sīlena sampannā, Saṁvibhāgaratā sadā.
Acchādanañca bhattañca, sya:26.37 senāsanaṁ padīpiyaṁ; Adāsiṁ ujubhūtesu, vippasannena cetasā.
Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāgataṁ.
Uposathaṁ upavasissaṁ, sadā sīlesu saṁvutā; Saññamā saṁvibhāgā ca, vimānaṁ āvasāmahaṁ.
Pāṇātipātā viratā, vri:56.24 musāvādā ca saññatā; Theyyā ca aticārā ca, majjapānā ca ārakā.
Pañcasikkhāpade ratā, ariyasaccāna kovidā; Upāsikā cakkhumato, gotamassa yasassino.
Tena metādiso vaṇṇo, …pe… vaṇṇo ca me sabbadisā pabhāsatī”ti.
Niddāvimānaṁ aṭṭhamaṁ.