Itivuttaka 51 Tikanipāta
id: iti51 VRI: vol 48 สยามรัฐ: vol 25 23 segments
Itivuttaka 51 Tikanipāta Paṭhamavagga Dhātusutta
Vuttañhetaṁ bhagavatā vuttamarahatāti me sutaṁ: sya:25.265
“Tisso imā, bhikkhave, dhātuyo. Katamā tisso? Rūpadhātu, arūpadhātu, nirodhadhātu— imā kho, bhikkhave, tisso dhātuyo”ti. Etamatthaṁ bhagavā avoca. Tatthetaṁ iti vuccati:
“Rūpadhātuṁ pariññāya, āruppesu asaṇṭhitā; Nirodhe ye vimuccanti, te janā maccuhāyino.
Kāyena amataṁ dhātuṁ, vri:48.34 phusayitvā nirūpadhiṁ; Upadhippaṭinissaggaṁ, sacchikatvā anāsavo; Deseti sammāsambuddho, asokaṁ virajaṁ padan”ti.
Ayampi attho vutto bhagavatā, iti me sutanti. Dutiyaṁ.