Theravāda Vinaya Mahāvibhaṅga
id: pli-tv-bu-vb-sk62 14 segments
Theravāda Vinaya Mahāvibhaṅga Sekhiyakaṇḍa Pādukavagga 62. Upāhanāruḷhasikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū upāhanāruḷhassa dhammaṁ desenti …pe…. “Na upāhanāruḷhassa agilānassa dhammaṁ desessāmīti sikkhā karaṇīyā”ti. Na upāhanāruḷhassa agilānassa dhammo desetabbo. Yo anādariyaṁ paṭicca akkantassa vā paṭimukkassa vā omukkassa vā agilānassa dhammaṁ deseti, āpatti dukkaṭassa. Anāpatti— asañcicca …pe… ādikammikassāti. Dutiyasikkhāpadaṁ niṭṭhitaṁ.