Theravāda Vinaya Mahāvibhaṅga
id: pli-tv-bu-vb-sk63 VRI: vol 88 สยามรัฐ: vol 2 16 segments
Theravāda Vinaya Mahāvibhaṅga Sekhiyakaṇḍa Pādukavagga 63. Yānasikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū yānagatassa dhammaṁ desenti …pe…. “Na yānagatassa agilānassa dhammaṁ desessāmīti sikkhā karaṇīyā”ti. Yānaṁ nāma sya:2.562 vayhaṁ ratho sakaṭaṁ sandamānikā sivikā pāṭaṅkī. Na yānagatassa agilānassa dhammo desetabbo. Yo anādariyaṁ paṭicca yānagatassa agilānassa dhammaṁ deseti, āpatti dukkaṭassa. Anāpatti— vri:88.275 asañcicca …pe… ādikammikassāti. Tatiyasikkhāpadaṁ niṭṭhitaṁ.